Խնդրում ենք սպասել...

Իրադարձություններ

Էրիկ Գրիգորյանի պաշտոնավարման հարցը վարչապետի քննարկմանը ներկայացնելու նախագիծը մերժվեց

11:15, հինգշաբթի, 05 դեկտեմբերի, 2019 թ.
Էրիկ Գրիգորյանի պաշտոնավարման հարցը վարչապետի քննարկմանը ներկայացնելու նախագիծը մերժվեց

Խորհրդարանը դեկտեմբերի 5-ի նիստում չընդունեց «Լուսավոր Հայաստան» խմբակցության հարցապնդումը՝ Շրջակա միջավայրի նախարար Էրիկ Գրիգորյանի հետագա պաշտոնավարման հարցը վարչապետին ներկայացնելու վերաբերյալ:

Որոշմանը կողմ քվեարկեց 17, դեմ՝ 67, ձեռնպահ՝ 1 պատգամավոր: Մինչ քվեարկությունը՝ «Իմ քայլը» խմբակցության ղեկավար Լիլիթ Մակունցը հայտարարեց՝ եկել են այն եզրակացության, որ պաշտոնավարման հարցի քննարկման համար հիմք չկա, և իրենք դեմ են քվեարկելու: ԲՀԿ-ից էլ Նաիրա Զոհրաբյանը նշեց՝ քանի որ ԱԺ-ում ստեղծվել է ընդերքի, հանքարդյունաբերությանն առնչվող խնդիրներն ուսումնասիրող հանձնաժողով, և դրա ուսումնասիրության արդյունքները տվյալ նախարությանն է առնչվում, իրենք դիրքորոշում կհայտնեն հանձնաժողովի ուսումնասիրության արդյունքներից հետո միայն, ուստի՝ իրենք քվեարկությանը չեն մասնակցելու:

4350 | 0
Facebook