Իրադարձություններ

Ազգային ժողովը չընդունեց «Լուսավոր Հայաստան» խմբակցության ներկայացրած՝ ոստիկանության և ԱԱԾ ղեկավարների պաշտոնները քաղաքական դարձնելու օրինագիծը: ԱԺ-Կառավարություն հարցուպատասխանի ժամին «Իմ քայլը» խմբակցության պատգամավոր Արման Բոշյանը խնդրեց վարչապետի արձագանքը նախագծին. «Հասկանում ենք մեր գործընկերների առաջարկն ու 1-ին ընթերցմամբ կողմ ենք քվեարկել, բայց քննարկումների փուլում հանգել ենք պրոբլեմի: Պրոբլեմն այն է, որ կա՛մ մենք ոստիկանության, ԱԱԾ-ի սպաների զինվորական կարիերան ընդհատում ենք էն պարագայում, երբ դառնում են պետի տեղակալ կամ պետ, կա՛մ քաղաքական ուղով նշանակված պետին կամ տեղակալին պետք է գնդապետի կամ գեներալի կոչում տանք: Մեր դիրքորոշումը եղել է այն, որ եկեք էսպիսի բաներ չանենք: Համաձայն ենք աշխատել, որ տեսնենք՝ պրոբլեմը ոնց լուծենք՝ առանց դեֆորմացիաների»,- ասաց Փաշինյանը: