Իրադարձություններ

«Ես կարող եմ օրինակ բերել: Հրավիրելով իմ գործընկերներին, Աբու Դաբիի թագաժառանգին և Էմիրաթների «Ռոտանա» հյուրանոցային ցանցի տիրոջը, ցանկություն է եղել, որ այդ միլիարդատեր մարդիկ ներդրումներ անեն, որը կարող եք քաղաքապետից ու ճարտարապետ Մեսչյանից ճշտել: Հյուրանոցային ցանցի սեփականատերը ցանկանում էր կենտրոնում 2 հյուրանոց կառուցել: «Ռոտանա» ցանցը 300 հյուրանոց ունի: Իսկ թագաժառանգն ուզում էր իր հոր անունով հիվանդանոց կառուցել Երևանի կենտրոնում՝ անվճար, որ կարիքավորներն օգտվեին այդ հիվանդանոցից: Նրանք հանդիպել են քաղաքապետի և ճարտարապետի հետ: Այդ հանդիպումը տևել է կես ժամ, և մարդիկ հիասթափված դուրս են եկել և իրենց ներդրումների մասին մոռացել են, ժամանակավոր սառեցրել են». դեկտեմբերի 3-ին լրագրողների հետ ճեպազրույցում ասել է ԱԺ ԲՀԿ խմբակցության ղեկավար Գագիկ Ծառուկյանը՝ խոսելով ՀՀ-ում ներդրումներ կատարելու մասին:

Հստակեցնող հարցին, թե լավ առաջարկ է արվել, քաղաքապետարանում այն մերժե՞լ են, Գ. Ծառուկյանը խորհուրդ է տվել հարցի պատասխանը ստանալ քաղաքապետից ու գլխավոր ճարտարապետ Արթուր Մեսչյանից: