ԱՄՆ-ի և Չինաստանի միջև առևտրային համաձայնագրի ստորագրման շուրջ բանակցությունները դադարեցվել են՝ Հոնկոնգում ԱՄՆ-ի կողմից մարդու իրավունքների պաշտպանության և ժողովրդավարության մասին օրենքի ընդունումից հետո։ Այս մասին հայտնել է Axios-ը՝ վկայակոչելով Վաշինգթոնի վարչակազմի իր աղբյուրներին:
Ըստ նրանց` համաձայնութան ձեռք բերման վերաբերյալ խորհրդակցություններն այժմ «դադարեցվել են» և «ժամանակ է անհրաժեշտ», որպեսզի Չինաստանի նախագահը՝ Սի Ցզինպինը «հանդարտվի»: Բացի այդ, պարբերականը նշում է, որ մի շարք հարցեր դեռևս լուծված չեն՝ կապված ԱՄՆ-ի կողմից նախկինում կիրառված մաքսատուրքերի չեղյալ հայտարարման, առևտրային համաձայնագրերին համապատասխանության ապահովման մեխանիզմի, ինչպես նաև Պեկինի երաշխիքների համար՝ ԱՄՆ գյուղատնտեսական արտադրանքը գնելու վերաբերյալ:
Վաշինգթոնը որոշում չի կայացրել համաձայնագրի ստորագրման վայրի վերաբերյալ, որը կնշանակեր բանակցությունների առաջին փուլի ավարտը: Կան կարծիքներ, որ ստորագրումը տեղի կունենա Քեմփ Դեյվիդի նախագահական հանգստյան համալիրում՝ «այս տարվա ավարտից ոչ շուտ» ժամկետում: