Թուրքիայի արտգործնախարար Մևլութ Չավուշօղլուն Ֆրանսիայի նախագահ Էմանուել Մակրոնին մեղադրել է ահաբեկչությանը սատարելու մեջ: Այս մասին գրում է Milliyet պարբերականը:
Այս կերպ Չավուշօղլուն արձագանքել է Մակրոնի այն խոսքերին, որ Անկարան չի կարող հույս դնել ՆԱՏՕ-ի համերաշխության և աջակցության վրա, քանի որ թուրքական իշխանությունները Սիրիայում սկսել են «Խաղաղության ակունք» ռազմական գործողությունը, ինչը խոչընդոտում է ԴԱԻՇ խմբավորման դեմ պայքարին:
«Մակրոնի խոսքերը ոչինչ չեն նշանակում, նա ահաբեկիչների հովանավոր է: Մակրոնը պատրաստվում էր ահաբեկչական պետություն հիմնել, բայց մեր «Խաղաղության ակունք» գործողության պատճառով՝ հիասթափվեց: Ինքն էլ չգիտի՝ ինչ է խոսում»,- հայտարարել է Թուրքիայի արտգործնախարարը: