Մեծ Բիտանիայի Եղիսաբեթ Երկրորդ թագուհին առաջիկա 18 ամսվա ընթացքում կարող է հրաժարվել գահից՝ հօգուտ իր ավագ որդի Չարլզի, գրում է The Sun պարբերականը՝ հղում անելով թագուհուն մոտ կանգնած աղբյուրներին:
The Sun-ի զրուցակիցը նշում է, որ արգելվում է բացահայտորեն խոսել թագուհու գահից հրաժարվելու մասին, սակայն լիազորությունների փոխանցման գործընթացն արդեն սկսվել է: Ներկա պահին Եղիսաբեթ թագուհին ավելի քիչ է մասնակցում պաշտոնական միջոցառումներին, որտեղ նրան փոխարինում է 71-ամյա Չարլզը: