Մերձմոսկովյան խոշորագույն անասնապահական ֆերմաներից մեկը IT ոլորտի մասնագետների հետ մշակել է կովերի համար վիրտուալ իրականություն ապահովող հատուկ ակնոց: Այն կովերին «տեղափոխում է» արևով ողողված կանաչ մարգագետին:
Նախագծի հեղինակները հույս ունեն, որ այս նորարարությունը կնպաստի կովերի կաթնատվությանը: Ըստ համեմատական դիտարկումների՝ արդեն իսկ գրանցվել է, որ վիրտուալ իրականության հետ շփված կովերի վարքը դարձել է ավելի հանդարտ: Եթե առաջիկա դիտարկումներն ապացուցեն, որ ավելացել է նաև կաթնատվությունն, ապա այս մեթոդն ավելի լայն ծավալներ կստանա: