ԱՄՆ-ը նոր պատժամիջոցներ կսահմանի Իրանի դեմ՝ բողոքի ցույցերին իշխանության արձագանքի պատճառով, այս մասին Iran International հեռուստաալիքին տված հարցազրույցում ասել է ԱՄՆ պետքարտուղար Մայք Պոմպեոն։
«Նոր պատժամիջոցներ կսահմանենք։ Կմերժենք բոլոր նրանց վիզաների տրամադրումը, ովքեր իրենց պահում են ինչպես իրանցի առաջնորդները: Ներկայիս պատժամիջոցներն անմիջական արդյունքն են նրա, որ Իրանի ղեկավարությունն անջատել է ինտերնետը»,- ասել է նա:
Պետքարոտւղարի խոսքով՝ ԱՄՆ-ը միայն ուզում է, որ իրանցի ժողովուրդը պաշտպանված լինի և մարդկանց իրավունքները չոտնահարվեն: