ՆԱՏՕ-ն փորձարկել է Ցամաքային վերահսկողության օդային համակարգի (AGS) հինգերորդ սերնդի RQ-4D հետախուզական անօդաչու թռչող սարքերը, որոնք վայրէջք են կատարել Սիցիլիայում տեղակայված Սիգոնելլա ռազմաբազայում: Այս մասին հայտնում է դաշինքի մամուլի ծառայությունը:
Ամերիկյան Northrop Grumman ընկերության արտադրած անօդաչու թռչող սարքը նոյեմբերի 20-ին թռչել է Կալիֆորնիայի Palmdale ավիաբազայից և 22 ժամ անց վայրէջք կատարել Սիցիլիայում:
AGS-ն մշակվում է 15 երկրների կողմից, այդ թվում՝ Բուլղարիայի, Չեխիայի, Դանիայի, Էստոնիայի, Գերմանիայի, Իտալիայի, Լատվիայի, Լիտվայի, Լյուքսեմբուրգի, Նորվեգիայի, Լեհաստանի, Ռումինիայի, Սլովակիայի, Սլովենիայի և ԱՄՆ-ի մասնակցությամբ: Ծրագրի արժեքը գնահատվում է 1,3 միլիարդ եվրո: