Կառավարության շենքի դիմաց բողոքի ցույց են անցկացնում Կոնդի, Ֆիրդուսի, Եկմալյանի բնակիչները։ Կոնդեցիները պահանջում են կրկին չափագրել իրենց տները և սեփականության նոր վկայական տալ, իսկ եկմալյանցիները փոխհատուցում են պահանջում իրենց բնակարանների համար։
Կոնդի բնակիչներից մեկն ասաց, որ վարչապետի օգնական Սուրեն Ղամբարյանը չի կատարել կառավարությունում հանդիպում կազմակերպելու իր խոստումը: Կոնդի հարցով զբաղվող հանձնաժողովը 2 նիստ է գումարել՝ հունիսին և նոյմեբերի 11-ին: Ընդ որում՝ բնակիչներն էլ նիստերին մասնակից չեն դառնում. արգելում են: Նրանք հանդիպում պահանջեցին ՀՀ վարչապետի աշխատակազմի ղեկավար Էդուարդ Աղաջանյանի օգնականի հետ: