Խնդրում ենք սպասել...
Այսօր`  երկուշաբթի, 09 դեկտեմբերի, 2019 թ.

Միջազգային

Նեթանյահուն մեկնաբանել է Սիրիայում իրանական օբյեկտներին հասցված հարվածները

16:10, չորեքշաբթի, 20 նոյեմբերի, 2019 թ.
Նեթանյահուն մեկնաբանել է Սիրիայում իրանական օբյեկտներին հասցված հարվածները

Իսրայելի վարչապետ Բենիամին Նեթանյահուն հայտարարել է, որ Սիրիայում իրանական թիրախների հասցված գիշերային հարվածները արվել են ի պատասխան իսրայելական տարածքների գնդակոծման, ու հավելել է, որ իշխանությունները կշարունակեն ապահովել Իսրայելի անվտանգությունը, գրում է РИА Новости գործակալությունը: «Ես հասկացա, որ անկախ նրանից, թե ով է մեզ վնաս հասցրել, մենք նրան ցավագին պատասխան կտանք: Մենք հենց այդպես այսօր վարվեցինք, երբ հարվածներ հասցրեցին Սիրիայում «Ղուդս» իրանական ուժերի ռազմական թիրախներին, սիրիական ռազմական թիրախների դեմ այն բանից հետո, երբ երեկ երեկոյան Իսրայելի ուղղությամբ հրթիռներ էին արձակվել»,- նշված է հայտարարության մեջ, որը տարածել է Նեթանյահուի գրասենյակը: Իսրայելի զինված ուժերի տարածած հայտարարության մեջ նշվում է, որ հարձակումներն իրականացվել են մոտավորապես 20 թիրախների ուղղությամբ, որոնց կեսից ավելին պատկանել են իրանական կողմին: Թիրախներից մեկը գտնվել է Դամասկոսի օդանավակայանի հարևանությամբ, որտեղ, ըստ ենթադրությունների, գտնվել է «Ղուդս»-ի շտաբը:

| | |
1847 | 0
Facebook