Խնդրում ենք սպասել...
Այսօր`  երկուշաբթի, 16 դեկտեմբերի, 2019 թ.

Իրադարձություններ

Ռ. Քոչարյանի պաշտպանը նամակ է գրել Մակրոնին ու ստացել պատասխան

13:30, երկուշաբթի, 18 նոյեմբերի, 2019 թ.
Ռ. Քոչարյանի պաշտպանը նամակ է գրել Մակրոնին ու ստացել պատասխան

«Բոլոր դատավորներն աղոթում են, որպեսզի այս գործով չզբաղվեն». նոյեմբերի 18-ին լրագրողների հետ հանդիպմանը հայտարարեց ամիսներ առաջ Ռ.Քոչարյանի պաշտպանական խմբին միացած ֆրանսահայ Սևակ Թորոսյանը: Նա հայտարարեց, որ Ռ.Քոչարյանի դատավարությունը մեկ անձի՝ «վարչապետի կամքին է կապվել»: «Մեկը թող բացատրե իրեն, որ վրեժի լուծումը դատավարության հետ կապ չունի»,- ասաց նա:

Փաստաբանի գնահատմամբ՝ ՀՀ-ում շատ քիչ են անկախ դատավորները: Ս.Թորոսյանը նշեց, որ իր փաստաբանական պրակտիկայում չի եղել մի դեպք, երբ դատարանը փաստաբանական կողմին հնարավորություն չտա իր դիրքորոշումը հայտնել:

Ս.Թորոսյանը հայտնեց, որ վերջերս նամակ էր գրել Ֆրանսիայի նախագահ Էմանուել Մակրոնին: Դրանում նա ամփոփ ներկայացրել էր դատավարական 30 խախտումները: «Մեկ ամիս չանցավ, նախագահ Մակրոնից նամակ ստացա, որտեղ ասվում է՝ վստահ եղեք, Ֆրանսիան շատ մոտիկից հետևում է նախագահ Քոչարյանի դատավարությանը»,- հայտնեց փաստաբանը:

Նա պնդեց, որ քաղաքական խնդիրներով գործերով արդարություն չկա: «Որոշ դոսյեներ ուղղակի ձևով Նիկոլ Փաշինյանն է հրահանգում: Թողեցեք, որ դատավարությունը հանգիստ տեղի ունենա, ազատ թող լինի: Ռ.Քոչարյանը անմեղ է, մինչև որ չեք փաստել: ՀՀ-ում հակառակն է, մեղավոր է՝ մինչև որ փաստեն, կամ արտոնեն, որ փաստեն, որ մեղավոր չէ»,- պնդեց փաստաբանը:

ՀՀ երկրորդ նախագահ Ռոբերտ Քոչարյանի գործով ֆրանսահայ փաստաբանը նշեց, որ ինքը ներկա է լինելու նոյեմբերի 19-ին նշանակված նիստին:

| | |
29799 | 4
Facebook