Ռուսաստանի Պետդուման դատապարտել է Արմավիր քաղաքի քաղաքային դումայի պատգամավոր Ալեքսեյ Վինոգրադովի արարքը, ով սև ներկով ներկել էր հայկական եկեղեցու տարածքում տեղադրված Գարեգին Նժդեհի հուշատախտակը:
«Ես անկեղծորեն հավատում եմ, որ մարդկանց մեծամասնությունը կտրականապես հավանություն չի տալիս այսպիսի տհաճ միջադեպին, կարծում եմ, որ այսպիսի երևույթները ցույց են տալիս, որ յուրաքանչյուրը կարող է ազգայնամոլ լինել: Եվ նույնիսկ մի մարդ, ով իր տեսանկյունից, ցանկանում է ինչ-որ լավ գործ անել: Բայց նա իրեն ավելի վատ է պահում, քան ազգայնամոլը»,- հայտարարել է Պետդումայի պատգամավոր Վիտալի Միլոնովը, մեջբերում է «Политика сегодня»-ն:
Ըստ ռուսաստանցի պատգամավորի՝ հուշարձանների դեմ պայքարը «խայտառակություն» է: