Հարցազրույցներ

Հասարակությունն ակտիվորեն քննարկում է ԱԺ ԲՀԿ խմբակցության պատգամավոր Գևորգ Պետրոսյանի հեղինակած՝ «Ընտանեկան օրենսգրքում նույնասեռականների ու սեռափոխվածների ամուսնությունը գրանցելու արգելք սահմանելու մասին» նախագիծը: Այս առնչությամբ Գերագույն խորհրդի նախին պատգամավոր Ազատ Արշակյանը Հանրային հեռուստաընկերության եթերում ասել է. «Այդքան աղմկել գեյերի մասի՞ն: Մենք, ըստ երևույթին, բոլորս, կամ իր շրջապատի մարդիկ պետք է ասեին. «Գևո՛րգ, դու գեյ չես, մենք արդեն դրանում համոզվել ենք: Մի՛ պաշտպանվիր, մի՛ արա, մի՛ հարձակվիր, մի՛ բացահայտվիր»:

Նրա խոսքով՝ քննարկելու շատ ավելի կարևոր հարցեր կան, սակայն ՀՀ Ազգային ժողովը դուրս է օրակարգից. «Էդ ի՞նչ խոսակցություն է: Ընդհանրապես դրա մասին ինչի՞ եք բարձրաձայնում: Գևորգ, ինչո՞ւ ես դրա մասին բարձրաձայն խոսում, ինչո՞ւ ես քո խոհանոցը բերում, քո պահարանը ինչո՞ւ ես բացում մեր առաջ: Մեր ինչի՞ն է պետք՝ դուք ինչ եք մտածում ձեր/իրար մասին: Ես գիտեմ, որ մեզ չի սպառնում գեյությունը»,- եթերի ընթացքում ընդգծել է նա:

Առավել մանրամասն՝ տեսանյութում: