Խնդրում ենք սպասել...
Այսօր`  չորեքշաբթի, 13 նոյեմբերի, 2019 թ.

Համացանց

«Կոպեկներով օտարել են մանկապարտեզների մասնաշենքերը». Անդրեյ Ղուկասյան

08:55, շաբաթ, 09 նոյեմբերի, 2019 թ.
«Կոպեկներով օտարել են մանկապարտեզների մասնաշենքերը». Անդրեյ Ղուկասյան

Լոռու մարզպետ Անդրեյ Ղուկասյանը ֆեյսբուքան իր էջում գրել է. «Էժանով մանկապարտեզները վերջացան...
     Այս անգամ բացահայտումները Լոռու մարզի Ալավերդի համայնքից են: Տարիներ առաջ համայնքային գույքի պահպանության գործին «լծված» համայնքապետն ու ավագանին համատեղ ջանքերով, կոպեկներով օտարել են Ալավերդու մանկապարտեզների մասնաշենքերը՝ վստահ, որ հանրապետական թիմակիցները միայն խրախուսելու են նմանատիպ մոտեցումն ու/կամ առնվազն փայաբաժին են պահանջելու: Արդյունքում մեր ու ձեր երեխաների համար կառուցված մանկապարտեզների շենքերն առ այսօր պատկանում են մեծ ու փոքր, նախկին ու ներկա պաշտոնյաների հարազատ/բարեկամներին: Փայաբաժնի բաշխման գործընթացի պարագլուխներն են նախկին մարզպետ Արթուր Նալբանդյանը (ով այդ տարիներին զբաղեցրել է Ալավերդու համայնքապետի պաշտոնը), Ալավերդու ներկայիս համայնքապետը՝ իրենց հարազատ/բարեկամներով և այլ պաշտոնյաներ: Եվ ես՝ որպես մարզի ղեկավար, պատասխանատու ձևով հայտարարում եմ՝ համայնքային գույքի մսխման գործընթացը կասեցված է, փոխարենը մեկնարկել է համայնքինը՝ համայնքին, Լոռին՝ լոռեցուն վերադարձնելու անկասելի գործընթացը: Մենք գնալու ենք մինչ վերջ, առևերևույթ անօրինական թվացող ցանկացած գործարքի հետքերով:
     Հ. Գ. Նույնիսկ փոքր մանկապարտեզ կառուցելու համար պետությունը ծախսում է առնվազն 50 մլն դրամ: Նախկին ագահ համայնքապետերը 3 հարկանի շենքերը վաճառել են միջինը 2մլն ով»:

| | |
3609 | 0
Facebook
COMMENT.am