Խնդրում ենք սպասել...
Այսօր`  չորեքշաբթի, 13 նոյեմբերի, 2019 թ.

Համացանց

«Ուսանողը գնում է բուհ, ոչ թե հայոց լեզուն սովորելու, այլ մասնագիտություն ստանալու». Արթուր Սաքունց

19:05, երկուշաբթի, 04 նոյեմբերի, 2019 թ.
«Ուսանողը գնում է բուհ, ոչ թե հայոց լեզուն սովորելու, այլ մասնագիտություն ստանալու». Արթուր Սաքունց

Իրավապաշտպան Արթուր Սաքունցը ֆեյսբուքյան իր էջում գրել է. «Եթե տասներկու տարի դպրոցում չեն կարողացել պատշաճ հայոց լեզու սովորել, հայ գրականություն ուսուցանել, ապա ԲՈՒՀ֊ում չորս տարվա ընթացքում սովորացնելո՞ւ են։

Թե՞ ԲՈՒՀ-ը հայոց լեզվի լիկբեզի հիմնարկ է, ոչ թե մասնագիտություն ձեռք բերելու հիմնարկություն։

Կամ, եթե բոլոր մասնագիտությունների համար բուհական ընդունելության քննությունների ցանկում ներառված է հայոց լեզուն, և շատ ճիշտ է արված, և դիմորդը, ապագա ուսանողը հաղթահարում է անցողիկ շեմը, ապա նա գնում է բուհ, ոչ թե հայոց լեզուն սովորելու, այլ մասնագիտություն ստանալու։

Հայոց լեզվի իմացությունը ըստ մասնագիտությունների պետք է պահանջել մասնագիտական առարկաների դասախոսներից, որոնք հենց իրենց առարկաների ուսուցանման ժամանակ պետք է կարողանան դասախոսությունները, պարապմունքները գրագետ հայերենով ներկայացնեն։

Իսկ հայոց լեզվի դասավանդման խնդիրը դպրոցական կրթության որակի խնդիր պետք է դիտարկել։

Օտար լեզուների դասավանդման հարցին չեմ անդրադառնում, խնդիրներն իրար չխառնելու և հնարավոր շահարկումներից բուն խնդրի քննարկումը զերծ պահելու համար։

Հասկացանք, ամեն հարց էլ քաղաքականության առարկա է, բայց, առարկա ներկայացնելու համար մի քիչ էլ ոլորտի կարիքները և նշանակությունը կարևորեք, ոչ թե միայն սեփական գոյի նշանակությունը»։

| | |
5158 | 0
Facebook
COMMENT.am