ԱՄՆ նախագահ Դոնալդ Թրամփի հրամանագիրը, որով սահմանափակվում էր ներգաղթյալների մուտքն ԱՄՆ, ովքեր ի վիճակի չեն վճարել բժշկական ապահովագրության համար, դատարանի կողմից արգելափակվել է: Որոշումը կայացրել է Օրեգոն նահանգի Փորթլենդում գտնվող Դաշնային դատարանը, հայտնում է Deutsche Welle-ը: ԱՄՆ-ի յոթ քաղաքացի և շահույթ չհետապնդող կազմակերպություններ, դատական հայց էին ներկայացրել: Ըստ դիմող կողմի՝ Թրամփի հրամանագիրն արգելում էր հավանական օրինական միգրանտների երկու երրորդի մուտքը, ինչպես նաև զգալիորեն նվազեցնում էր ընտանեկան մուտքի արտոնագրով մուտք գործող մարդկանց թիվը: