Միջազգային

Սոցցանցերում «ռուսական թրոլները» սրում են Չիլիում սկսված անկարգությունների իրավիճակը: Այսպիսի եզրահանգման է եկել Միացյալ Նահանգների Պետդեպարտամենտը, հայտնում է Reuters գործակալությունը:
     Վաշինգթոնը հայտարարել է, որ տեսնում է Ռուսաստանի ազդեցության «ակնհայտ նշաններ» հարավամերիկյան այս երկրում տեղի ունեցած անկարգությունների ժամանակ: Այս կերպ, ըստ Պետդեպարտամենտի՝ Մոսկվան փորձում է «խաթարել քաղաքական երկխոսությունը, սրել բախումները և խափանել ժողովրդավարական բանավեճը»: Հիշեցնենք, որ հոկտեմբերի 6-ին Չիլիի իշխանությունները մետրոյի վարձավճարի արժեքը բարձրացնելու որոշում կայացրեցին, ինչը բողոքի գործողությունների պատճառ դարձավ: Խաղաղ ակցիաները վերածվեցին իրավապահների հետ բախումների: 8 նախարար հրաժարական է տվել: