Չիլիում շարունակվում են բողոքի գործողությունները՝ չնայած 8 նախարար հրաժարական է ներկայացրել: Հազարավոր ցուցարարներ կրկին դուրս են եկել մայրաքաղաք Սանտիագոյի փողոցներ: Ցուցարարներին ցրելու համար Լա Մոնեդա պալատի տարածքում, որը հանդիսանում է նախագահի պաշտոնական նստավայրը, իրավապահները կիրառել են ջրցան մեքենաներ և արցունքաբեր գազ, իսկ ցուցարարները կառուցել են բարիկադներ: Բացի այդ, քաղաքում վերստին սկսվել են հրդեհներն ու կողոպուտները, բողոքներին մասնակցում են հազարավոր մարդիկ: Ցուցարարները հրկիզել են մետրոյի կայարաններից մեկը: