Միջազգային

Իրաքի Քարբալա քաղաքում նստացույցի մասնակիցների դեմ ոստիկանության կողմից զենքի կիրառման հետևանքով սպանվել է 30 մարդ, հայտնում է Al Hadath հեռուստաալիքը:

Ըստ Reuters-ի՝ զոհվել է շուրջ 13 մարդ, 865-ը ստացել են վնասվածքներ: Իրավապահները հերքում են զոհերի մասին լուրերը: ՄԱԿ-ը նաև հայտարարել է արցունքաբեր գազի կիրառման մասին:

Բողոքի ցույցերն Իրաքում սկսվել են հոկտեմբերի 1-ին: Բաղդադում, ինչպես նաև հարավային ու հյուսիսային նահանգներում մարդիկ պահանջում են կառավարության հրաժարականը: Իրաքցիները դժգոհում են գործազրկությունից, կոռուպցիայից, կենսապայմանների վատթարացումից և սոցիալական ծառայությունների աշխատանքի անորակությունից: Վարչապետ Աբդուլ Մահդին արդեն խոստացել է աշխատանքի տեղավորել բոլոր նրանց, ովքեր ունեն կրթություն, ինչպես նաև խոստացել է աշխատատեղերի 50%-ի բարձրացում այն արտասահմանյան ընկերություններում, որոնք գործում են պետական պայմանագրով: Մեկշաբաթյա անդորրից հետո անցած ուրբաթ ցույցերը վերսկսվեցին ինչպես Բաղդադում, այնպես էլ մի շարք նահանգներում: Ստեղծված իրադրության կապակցությամբ հոկտեմբերի 28-ին Բաղդադում պարետային ժամ է սահմանվել: