Վերաքննիչ դատարանն անփոփոխ թողեց «Մուլտի գրուպ»-ի տնօրեն Սեդրակ Առուստամյանի հանդեպ կիրառված այլընտրանքային խափանման միջոց գրավը։ Այդ որոշումը դատախազությունը բողոքարկել էր վերաքննիչ ատյանում։
Սեդրակ Առուստամյանը մեղադրվում է Քրեական օրենսգրքի 190-րդ հոդվածի 3-րդ մասի 1-ին կետով, 38-189-րդ հոդվածի 3-րդ մասով, 38-205-րդ հոդվածի 2-րդ մասով նախատեսված հանցավոր արարքներ կատարելու մեջ:
Խոսքը փողերի լվացման, խոշոր չափով հարկերից խուսափելու և կեղծ ձեռնարկատիրությամբ զբաղվելու կամ այդ հանցավոր արարքների կատարումը կազմակերպելու մասին է: