Իտալիայում տրանսպորտային արհմիությունները հաստատել են համընդհանուր գործադուլը, իսկ տեղական ԶԼՄ-ները հոկտեմբերի 25-ն անվանել են «սև ուրբաթ»:
Համազգային գործադուլի հետևանքներն առաջինն իրենց վրա զգացել են ավիաուղևորները, որից հետո գործադուլի մասին հայտարարել է երկաթուղային տրանսպորտը, ինչպես նաև որոշ քաղաքներում լաստանավային ծառայությունը և հասարակական տրանսպորտը:
Ամենալարված իրավիճակը Հռոմում է, որտեղ քաղաքային տրանսպորտի աշխատողները հրաժարվել են դուրս գալ աշխատանքի։
Տրանսպորտի ոլորտի աշխատակիցները ցանկանում են, որպեսզի իշխանությունները բարելավեն աշխատանքային պայմանները: