Թուրքիան մտադիր է գրավել Սիրիայի հյուսիսային շրջանները, հայտարարել է Սիրիայի նախագահ Բաշար Ասադը հոկտեմբերի 22-ին Իդլիբի նահանգում տեղակայված սիրիական զորամասերից մեկի այցելության ժամանակ, փոխանցում է սիրիական SANA գործակալությունը։
«Թուրքիայի նախագահը Սիրիայից գողացել է նրա նավթը և հացահատիկը, ինչպես նաև գործարանները դուրս է հանել Հալեպից, իսկ այժմ Էրդողանը ցանկանում է զավթել սիրիական հողի մի մասը՝ նրա բնական հարստություններով»,- հայտարարել է Ասադը:
Ասադը նաև շեշտել է, որ Սիրիայի համար «իր տարածքի յուրաքանչյուր հատված հավասարապես կարևոր է, հետևաբար ռազմական գործողությունների զարգացումը կարևոր նշանակություն ունի»: