Խնդրում ենք սպասել...
Այսօր`  ուրբաթ, 22 նոյեմբերի, 2019 թ.

Իրադարձություններ

Լարիսա Ալավերդյանը կոչ է անում պատգամավորներին՝ պայքարել հայհոյանքների դեմ

13:15, ուրբաթ, 18 հոկտեմբերի, 2019 թ.
Լարիսա Ալավերդյանը կոչ է անում պատգամավորներին՝ պայքարել հայհոյանքների դեմ

Մարդու իրավունքների նախկին պաշտպան, «Ընդդեմ իրավական կամայականության» հասարակական կազմակերպության ղեկավար Լարիսա Ալավերդյանը

«ՀՀ իրավական մարտահրավերները և հնարավոր լուծումները» խորագրով քննարկման ժամանակ, անդրադարձավ սոցցանցերում հայհոյանքներին:

«Հիմա ի՞նչ է, չենք կարո՞ղ դրա դեմն առնել: Ես ընդունում եմ, որ որևէ անձի նկատմամբ հայհոյանքը, որը գրվում է, հրապարակվում է՝ Հայաստանի հանդեպ արտահայտած հայհոյանք է: Եթե մենք մեզ ընկալում ենք որպես կիրթ հասարակություն, ապա, կարծում եմ, որ ամեն մեկս իր ուժի չափ պետք է արտահայտվի դրա մասին և վերջ դրվի այն երևույթին, որն ամբողջովին աղավաղում է հայության, Հայաստանի և հայեցի հասարակարգի պատկերը»,- կարծիք հայտնեց նախկին օմբուդսմենը՝ դիմելով Ազգային ժողովի պատգամավորներին: «Ես հիմա դիմում եմ խորհրդարանականներին՝ կոչ անելով, որ իրենք օր առաջ, ժամ առաջ արտահայտվեն և հրապարակայնորեն կոչ անեն՝ վերջ դնել այդ երևույթին: Ինչ վերաբերվում է «Իմ քայլը» խմբակցությանը, ես որպես կյանքի ճանապարհ անցած մարդ, հորդորում եմ չսպասել, որ բանը հասնի առաջնորդին»:

Լարիսա Ալավերդյանի խոսքով՝ հայհոյանքներն իրականացվում են ցուցադրական՝ «հայտնի մանիպուլյատիվ տեխնոլոգիաներով, որպեսզի ազդեն հանրային գիտակցության վրա, ինչը նշանակում է, որ մեր 30 տարվա արածը չենք կարողանում արժևորել և գնահատել»:

| | |
1552 | 1
Facebook