Սիրիայի հյուսիսում Անկարայի ռազմական գործողությունները հանդիսանում են պատերազմական հանցագործություն, ուստի Թուրքիան չի կարող անդամակցել Եվրոմիությանը: Այս մասին հայտարարել է Չեխիայի նախագահ Միլոշ Զեմանը՝ Barrandov հեռուստաալիքին տված հարցազրույցում։ «Կարծում եմ, որ Թուրքիան սկսել է պատերազմական հանցագործություն, և, հետևաբար, նա առնվազն չի կարող ընդունվել Եվրոմիություն»,- ասել Է Զեմանը:
Զեմանը խոսել է քրդերի արժանապատվության մասին՝ ԴԱԻՇ ահաբեկչական խմբավորման դեմ պայքարում։
«Քրդական ստորաբաժանումները ԴԱԻՇ-ի դեմ պայքարում ամենաարդյունավետ ուժն էին: Մենք նրանց կարիքն ունեինք, երբ պետք էր պայքարել ահաբեկիչների դեմ: Քրդերին դավաճանեցին Ամերիկան և Եվրոպան»,- հավելել է Զեմանը: