Խնդրում ենք սպասել...
Այսօր`  չորեքշաբթի, 13 նոյեմբերի, 2019 թ.

Համացանց

«Միամտություն կլինի կարծել, որ Փաշինյանի կառավարությունը սա չի հասկանում». Լուսինե Հարոյան

22:45, հինգշաբթի, 17 հոկտեմբերի, 2019 թ.
«Միամտություն կլինի կարծել, որ Փաշինյանի կառավարությունը սա չի հասկանում». Լուսինե Հարոյան

«Համահայկական Ազգային Համաձայնության» համանախագահ Լուսինե Հարոյանը ֆեյսբուքյան իր էջում գրել է. «Ողջի գետի պատահարն այսօր նորից հիշեցրեց մի ցավոտ հարց` ինչու՞ Փաշինյանի կառավարությունը չի ուզում փոփոխություն անել Ընդերքի մասին օրենքում և բացահայտել ստվերային հանքատերերին:
     Տեսեք՝ ինչ հետաքրքիր բան է ստացվում. ըստ ներկայում գործող օրենքի` հանքային ընկերությունում մինչև 10 տոկոս բաժնեմաս ունեցողը իրավունք ունի չբացահայտել իրական սեփականատիրոջը, այսինքն՝ պարզ է չէ՞, որ այս օրենքը հնարավորություն է տալիս ցանկացած մեկին, օրինակ, 8 հոգու կամ 8 ընկերության անունով ձևակերպել 10 տոկոս բաժնեմաս ու փաստացի տիրապետել 80 տոկոսին ու մնալ չբացահայտված:
     Առնվազն միամտություն կլինի կարծել, որ Փաշինյանի կառավարությունը սա չի հասկանում: Իհարկե, հրաշալի հասկանում է ու գիտե: Հետո իրեն հեղափոխական հորջորջած ուժը պիտի որ առաջինը գլխապատառ բացահայտեր այդ ստվերային ոլորտը, ուր կոռուպցիան ծաղկում է: Ուրեմն ինչո՞ւ Փաշինյանի իշխանությունը մերժեց օրենքում նման փոփոխությունների ընդունումը:
     Ինձ մոտ միայն մի պատասխան կա, որովհետև նրանք պայմանավորվածություններ ունեն այդ նույն սեփականատերերի հետ. պաշտպանել նրանց թալանի և ընդերքը ծվատելու իրավունքը, իսկ թե ինչ է դրա փոխարեն ստանում Փաշինյանի իշխանությունը, գուշակեք ինքներդ»:

| | |
2836 | 1
Facebook