Խնդրում ենք սպասել...
Այսօր`  ուրբաթ, 22 նոյեմբերի, 2019 թ.

Համացանց

«Գալիք երեք-չորս տարիների ընթացքում Թուրքիայի ազդեցությունն ու ռազմական ներուժն աճելու են». Արման Մելիքյան

21:15, երկուշաբթի, 14 հոկտեմբերի, 2019 թ.
«Գալիք երեք-չորս տարիների ընթացքում Թուրքիայի ազդեցությունն ու ռազմական ներուժն աճելու են». Արման Մելիքյան

Արցախի նախկին արտգործնախարար Արման Մելիքյանը ֆեյսբուքյան իր էջում գրել է. «Տարիներ առաջ Հայաստանում ասպարեզ հանվեց մի թեզ, ըստ որի` պաշտոնական Վաշինգթոնը Հայաստանը դիտարկում է որպես Թուրքիայի ծավալապաշտական նկրտումները զսպող գործոն: Հավանաբար, այդ թեզը նաև շատերի մոտ հույսեր առաջացրեց, որ մոտ ապագայում Թուրքիան կործանվելու է որպես պետություն, իսկ մենք էլ, վերջապես, կկարողանանք վերահաստատել ՀՀ ինքնիշխանությունը մեր հայրենիքի արևմտյան հատվածում: Չի կարելի բացառել Թուրքիայի տրոհման հնարավորությունը, բայց ելնելով աշխարհաքաղաքական գործընթացի ներկայիս բովանդակությունից ու տրամաբանությունից, անհրաժեշտ է աչքի առաջ ունենալ, որ այդ հնարավոր տրոհումն առաջիկա տարիներին տեղի ունենալիք իրադարձություն չէ: Ավելին, գալիք երեք-չորս տարիների ընթացքում Թուրքիայի ազդեցությունն ու ռազմական ներուժն աճելու են: Նա անգամ կստանա այսօր իրեն առերևույթ քննադատող որոշ պետությունների անվերապահ և բազմաբնույթ աջակցությունը: Մենք, անշուշտ, պետք է ձգտենք համախմբել մեր հնարավոր դաշնակիցների ներուժը՝ Թուրքիայի կողմից մեր դեմ ուղղված մարտահրավերները չեզոքացնելու համար, բայց պետք է պատրաստ լինենք նրան, որ ինչ-որ մի պահի որոշ ժամանակով կարող ենք նաև միայնակ մնալ՝ մեր հակառակորդներին դեմհանդիման: Այդ դեպքում ամեն ինչ կախված կլինի մեր համախմբվելու և խելամիտ ու կազմակերպված հակազդեցություն ցույց տալու ունակությունից և լավ կանենք՝ հիմիկվանից սրան նախապատրաստվենք»:

| | |
1133 | 1
Facebook
COMMENT.am