Խնդրում ենք սպասել...
Այսօր`  երեքշաբթի, 22 հոկտեմբերի, 2019 թ.

Իրադարձություններ

«Տնտեսական հեղափոխության իրականացման գործում մեր թիվ 1 դաշնակիցը գործարարներն են». ՀՀ վարչապետ

11:45, շաբաթ, 12 հոկտեմբերի, 2019 թ.
«Տնտեսական հեղափոխության իրականացման գործում մեր թիվ 1 դաշնակիցը գործարարներն են». ՀՀ վարչապետ

«Տնտեսական հեղափոխության իրականացման գործում մեր թիվ 1 դաշնակիցը գործարարներն են: Մարդիկ, ովքեր մրցակցության պայմաններում կարողանում են ներդնել իրենց տաղանդը, ստեղծարար կարողությունները և ստեղծել հավելյալ արժեք: Իսկ նրանք, ովքեր չունեն այդ տաղանդը, նրանց պետք է օգնել, որպեսզի այդ տաղանդը հայտնաբերեն». հոկտեմբերի 12-ին Արագածոտնի Սասունիկ համայնքում անցկացվող «Իմ քայլը» հանուն Արագածոտնի մարզում» ներդրումային համաժողովում, ասաց ՀՀ վարչապետ Նիկոլ Փաշինյանը:

Ըստ վարչապետի՝ գործարար հմտությունները երեխաներին պետք է ուսուցանվեն հայաստանյան դպրոցներում: Գործարար հմտությունն անհրաժեշտ է նաև մշակույթի ոլորտում: Երբ հրաշալի ներկայացումն անցնում է դատարկ դահլիճներում, դա նշանակում է, որ միջոցառումը կազմակերպող տաղանդավոր բեմադրիչին խանգարում է գործարար հմտության բացակայությունը:

Ն. Փաշինյանը նշեց, որ այս տարվա տնտեսական աճը կլինի 7 տոկոսին մոտ: Դա լավ ցուցանիշ է ԵԱՏՄ տարածքում: Վարչապետը հաջողություն մաղթեց համաժողովին և հույս հայտնեց, որ համաժողովում նոր ստեղծագործ գաղափարների կհանդիպեն և կշարունակեն տնտեսական հեղափոխության սկսած ճանապարհը: «Ինձ համար տնտեսական հեղափոխության ամենամեծ մանիֆեստը սեպտեմբերի 21-ին Գյումրիում տեղի ունեցած «Մեր ժամանակի հերոսը մրցանակաբաշխությունն էր»,- խոսքն ամփոփեց Ն. Փաշինյանը:

| | |
2009 | 0
Facebook
COMMENT.am