ԱՄՆ պետքարտուղար Մայք Պոմպեոյի ավագ խորհրդական Մայքլ Մաքքինլին հրաժարական է տվել, քանի որ Պոմպեոյոն հրապարակավ չաջակցեց Ուկրաինայի շուրջ ծագած սկանդալում ներգրավված դիվանագետներին: Այդ մասին հայտնում է Washington Post-ը:
Ինչպես նշում է պարբերականը, Մաքքինլիի հեռանալու պատճառը եղել է նաև այն, որ ուկրաինական սկանդալի պատճառով դիվանագիտական անձնակազմը հրավիրվել է Կոնգրես:
Հայտնի է, որ մոտ ապագայում Կոնգրեսում ցուցմունքներ պետք է տան Կիևում ԱՄՆ նախկին դեսպան Մարի Յովանովիչը, Ռուսաստանի հարցով Սպիտակ տան նախկին գլխավոր փորձագետ Ֆիոնա Հիլլը, պետքարտուղարի առաջին օգնականի տեղակալ Ջորջ Քենթը, ինչպես նաև Պետդեպարտամենտի իրավախորհրդատու Ուլրիխ Բրեխբուլը: