Իրանի իշխանություններն ազատ են արձակել Յուլիա Յուզիկին, ով արդեն ուղևորվում է Մոսկվա, հայտնում է Իրանում Ռուսաստանի դեսպանատան Twitter-ի էջը:
«Ռուսաստանի արտգործնախարարության և Թեհրանում Ռուսաստանի դեսպանատան համատեղ ջանքերի արդյունքում իրանական կողմը որոշեց ազատ արձակել Ռուսաստանի քաղաքացի Յուլիա Յուզիկին»,- ասվում է հայտարարության մեջ:
Հիշեցնենք՝ հոկտեմբերի 4-ին ռուսաստանցի լրագրող Յուլյա Յուզիկը ձերբակալվել էր Իսլամական հեղափոխության պահապանների կորպուսի աշխատակիցների կողմից, երբ ժամանել էր Թեհրան: