Խնդրում ենք սպասել...
Այսօր`  ուրբաթ, 18 հոկտեմբերի, 2019 թ.

Միջազգային

Ո՞վ է կանգնած Ջուլիանիին Երևան հրավիրելու որոշման հետևում․ Polygraph.info

12:30, չորեքշաբթի, 09 հոկտեմբերի, 2019 թ.
Ո՞վ է կանգնած Ջուլիանիին Երևան հրավիրելու որոշման հետևում․ Polygraph.info

Սեպտեմբերի 27-ին Washington Post-ը հաղորդեց, որ ԱՄՆ նախագահ Դոնալդ Թրամփի անձնական փաստաբան Ռուդոլֆ Ջուլիանին նախատեսել է ժամանել Երևան՝ մասնակցելու Եվրասիական տնտեսական միության գագաթնաժողովին, սակայն նա չեղարկեց իր այցը, երբ տեղեկացավ, որ միջոցառման կազմակերպման հետևում կանգնած է Ռուսաստանը:
     Սեպտեմբերի 30-ին Կրեմլը հայտարարեց, որ Ռուսաստանը ոչ մի կապ չունի Ջուլիանիի հրավերի հետ: «Ռուսական կողմը ոչինչ չգիտի Ջուլիանիի մասնակցության կամ դրա չեղարկման մասին»,- հայտարարեց ՌԴ նախագահի խոսնակ Դմիտրի Պեսկովը:
     Ըստ Polygraph.info-ի, Հայաստանում գտնվող ամերիկացի լրագրող և անվտանգության հարցերով փորձագետ Նիլ Հաուերը կայքին տված հարցազրույցում նշել է, որ Հայաստանի ԱԳՆ-ից իրեն փոխանցել են, որ հայկական կողմը ներգրավված չի եղել Ռուդոլֆ Ջուլիանիին հրավիրելու գործում:

«Հայաստանի ԱԳՆ-ից ինձ փոխանցեցին, որ իրենք չեն կարող որևէ տեղեկություն տրամադրել Ջուլիանիի վերաբերյալ, քանի որ նրա պաշտոնական հրավերը հայկական կողմից չի եղել»,- ասել է Հաուերը:
     Փաստերը վկայում են, որ Ջուլիանիի հրավերը եղել է Եվրասիական տնտեսական հանձնաժողովից կողմից: Համաժողովի նիստի մոդերատորի դերը ստանձնել էր Սերգեյ Գլազևը, ով եղել է ՌԴ նախագահ Վլադիմիր Պուտինի խորհրդականը 2012-ից մինչև նախորդ ամիս: Հոկտեմբերի 1-ին նա նշանակվեց Եվրասիական տնտեսական հանձնաժողովի ինտեգրման ու մակրոտնտեսական քաղաքականության նախարարի պաշտոնում: Սերգեյ Գլազևը հասարակության լայն շրջանակներում առավել հայտնի է Ռուսաստանին եվրո/դոլարային գոտուց առանձնացնելու և հակաամերիկյան հայացքներով: Նրա գրքերից մեկը կրում է «Последняя мировая война. США начинают и проигрывают» վերնագիրը:

ԱՄՆ ֆինանսների նախարարությունը պատժամիջոցներ է կիրառել Գլազևի դեմ դեռևս 2014-ին:

| | |
3385 | 0
Facebook