Համաշխարհային տնտեսության աճի հեռանկարները վատթարանում են Բրիտանիայի՝ ԵՄ-ից դուրս գալու անորոշության, ստեղծված առևտրային լարվածության և Եվրոպայում տնտեսական անկման պատճառով: Այս մասին հայտարարել է Համաշխարհային բանկի նախագահ Դևիդ Մալպասը. հայտնում է Financial Times-ը:
«Համաշխարհային տնտեսական աճը դանդաղում է»,- ասել է Մալպասը: Ըստ 2019 թվականի արդյունքների՝ ՀՆԱ-ի գլոբալ աճը կարող է ավելի ցածր լինել, քան հունիսին կանխատեսված 2,6%-ը՝ Brexit-ի, Եվրոպայում առևտրի անկման պատճառով»,- հավելել է նա:
Տնտեսական աճի դանդաղեցման պայմաններում երկրները պետք է իրականացնեն «կառուցվածքային հստակ բարեփոխումներ»՝ ներառյալ օրենքի գերակայության ամրապնդումը, որպեսզի մասնավոր ընկերությունները կարողանան մրցակցել պետական ձեռնարկությունների հետ»,- նշել է Համաշխարհային բանկի ղեկավարը: