Խնդրում ենք սպասել...
Այսօր`  երեքշաբթի, 22 հոկտեմբերի, 2019 թ.

Իրադարձություններ

«Եկել եք, Ջոկոնդայի ժպիտով նստել եք». Նաիրա Զոհրաբյանը՝ «Իմ քայլի» պատգամավորին

12:50, երեքշաբթի, 08 հոկտեմբերի, 2019 թ.
«Եկել եք, Ջոկոնդայի ժպիտով նստել եք». Նաիրա Զոհրաբյանը՝ «Իմ քայլի» պատգամավորին

Մարդու իրավունքների պաշտպանության և հանրային հարցերի մշտական հանձնաժողովի հոկտեմբերի 8-ի նիստում բանավիճեցին «Իմ քայլը» խմբակցության պատգամավոր Թագուհի Ղազարյանն ու ԲՀԿ-ից Նաիրա Զոհրաբյանը: Թ. Ղազարյանն իր ելույթում նշեց, որ հանձնաժողովները պետք է առավել նախաձեռնողական լինեն համատեղ աշխատանքում: Ն. Զոհրաբյանը դրան սուր արձագանքեց: Նա ասաց, որ ժամանակին հանդես է եկել բռնության ենթարկված կանանց վերաբերյալ քննարկում կազմակերպելու, օրակարգ ներկայացնելու նախաձեռնությամբ, սակայն մինչ այժմ որևէ փաստաթուղթ չի դրվել սեղանին: Ըստ Ն. Զոհրաբյանի՝ ինքը նախաձեռնող է, աշխատանք է կատարում, այլ հարց է, որ դրա մասին «Ֆեյսբուքում չի ճպպացնում»:

«Ես ուղղակի թույլ չեմ տա իմ գործունեության հանդեպ արդարության սահմանն անցնել: Որևէ անգամ օրակարգ չեք ներկայացրել: Եկել եք, նստել եք, Ջոկոնդայի ժպիտով քվեարկել կամ չեք քվերարկել, գնացել եք»,- ասաց նա:

Դրան ի պատասխան՝ Թագուհի Ղազարյանն առաջարկեց հետո լսել իր խոսքի ձայնագրությունները:

«Խոսում եք անձնական վիրավորանքի մասին և պետք չէ մուննաթ գալ»,- նկատեց Թ. Ղազարյանը:

| | |
4736 | 3
Facebook