ԱԺ «Իմ քայլը» խմբակցության հանդիպումը ավարտվեց: ԱԺ «Իմ քայլը» խմբակցության ղեկավար Լիլիթ Մակունցը լրագրողների հետ զրույցում նշեց, որ ձևաչափը ազատ էր. հարցուպատասխանի միջոցով քննարկել են հարցեր տարբեր թեմաների վերաբերյալ:
«Քննարկել ենք ոստիկանական համակարգում հնարավոր ռեֆորմները և թե ինչ հայեցակարգ ենք ուզում տեսնել այդտեղ և ինչպես կարելի է մշակել այդ հայեցակարգը»,-ասաց Մակունցը:
Նրա խոսքով` նախատեսվում է ոստիկանությունում բարեփոխումներ իրականացնել օրենսդարական նախաձեռնություններից մինչև տեխնիկական փոփոխությունների միջոցով:
Մակունցը նշեց նաև, որ խմբակցության հանդիպմանը խոսել են նաև Ամուլսարի խնդրի վերաբերյալ:
«Որևէ նոր բան չի ասվել: Այսինքն` վերահաստատվել է այն ուղին, որով պատրաստվում ենք ընթանալ: Հանք ունենալու կամ չունենալու խնդիր դրված չէ ընդհանրապես: Խնդիր է դրված օբյեկտիվ կերպով հասնել այն ճանապարհին, որը ճիշտն է»,-եզրափակեց խմբակցության ղեկավարը: