ԱՄՆ-ն սկսել է զորքերի դուրս բերումը Սիրիայի հյուսիս-արևելքից, որտեղ Թուրքիան մտադիր է հատուկ գործողություններ իրականացնել և անվտանգության գոտի ստեղծել, այս մասին ավելի վաղ հայտարարել է Թուրքիայի նախագահ Ռեջեփ Էրդողանը:
ԱՄՆ-ի մշտական աջակցությունից զրկված «Սիրիայի դեմոկրատական ուժեր» (SDF) ապստամբական խմբավորման զինյալները հայտարարել են, որ Վաշինգթոնի այս հայտարարությունը նման է «մեջքին հասցված դանակի հարվածի», հայտնում է Reuters-ը:
«ԱՄՆ-ի կողմից կային հավաստիացումներ, որ նրանք թույլ չեն տա տարածաշրջանում անցկացնել որևէ թուրքական ռազմական գործողություն: Բայց այսօր ԱՄՆ-ի հայտարարությունը անակնկալ եղավ, և մենք կարող ենք ասել, որ սա հարված է SDF-ի մեջքին»,- տեղական հեռուստատեսությանը հայտնել է SDF-ի խոսնակը: