Ադրբեջանի և Իրանի սահմանին հոկտեմբերի 2-ի գիշերը տեղի է ունեցել մահվան ելքով միջադեպ, հաղորդում է Turan գործակալությունը։ Միջադեպը տեղի է ունեցել Բեյլագանի շրջանի Ամիրզեյիտլի գյուղի մոտակայքում: Սահմանախախտները չեն կատարել սահմանապահների պահանջը և, կրակ են բացել սահմանապահների ուղղությամբ, փորձել են փախչել ու հատել Իրանի սահմանը: Պատասխան կրակով երեք սահմանախախտները սպանվել են։
Սահմանախախտների պայուսակների զննման ժամանակ հայտնաբերվել են 15 կիլոգրամ տարբեր տեսակի թմրանյութեր ու կարճափող հրացան իր փամփուշտներով։