Մոսկվան խոստանում է պատասխան միջոցներ ձեռնարկել այն բանից հետո, երբ ԱՄՆ-ը հրաժարվեց մուտքի արտոնագրեր տրամադրել ՄԱԿ կենտրոնակայանում Գլխավոր ասամբլեայի 74-րդ նստաշրջանին ռուսական պատվիրակության անդամների մի մասին:
Ռուսաստանի ԱԳՆ-ը մեղադրում է Միացյալ Նահանգներին մուտքի արտոնագրերի պատերազմ սկսելու համար և չի բացառում պատասխան քայլեր, հայտարարել է ՌԴ փոխարտգործնախարար Սերգեյ Ռյաբկովը՝ Международная жизнь ամսագրին տված հարցազրույցում: «Ինչ վերաբերում է արտոնագրերի պատերազմի սկսվելուն, ապա այն շարունակվում է, և մենք չենք սկսել պատերազմը»,- նշել է փոխարտգործնախարարը: