Միջազգային

Թուրք ազգերի շրջանում ամենալավ ջիգիթները ղազախներն են: Այս մասին հայտնել է Ղազախստանի նախագահ Նուրսուլթան Նազարբաևը՝ Ստամբուլում անցկացվող ղազախա-թուրքական գործարար համաժողովում, հայտնում է КазИнформ-ը:

«Մենք ապրում ենք ողջ թյուրքական ժողովրդի հայրենիքում: Երբ 1861 թվականին սպանվեց վերջին ղազախ խանը, մենք Ռուսաստանի թագավորության գաղութն էինք, այնուհետև՝ Սովետական Միության: 150 տարիների ընթացքում ղազախները գրեթե կորցրեցին իրենց ազգային ավանդույթները, սովորույթները, լեզուն, կրոնը: Աստծո օգնությամբ 1991 թվականին մենք հռչակեցինք մեր անկախությունը: Ձեր նախնիները, թողնելով իրենց պատմական հայրենիքը, իրենց հետ վերցրին թյուրքական ժողովրդի անունը: Մինչ այժմ թուրքերը լավագույն ջիգիթներին անվանում են «ղազախներին»: Այնպես որ, մենք այդ ղազախներն ենք»,- հայտարարել է Նազարբաևը: