Թաիլանդի Պատտայա քաղաքում շարունակվում է ծանրամարտի աշխարհի առաջնությունը։ Հայ ծանրորդներից այսօր պայքարի մեջ մտած 81 կգ քաշային Անդրանիկ Կարապետյանը պոկում վարժությունից նվաճեց փոքր բրոնզե մեդալ, իսկ հրում վարժությունում 0 ստացավ։
81 կգ քաշային կարգում չեմպիոն հռչակվեց Չինաստանը ներկայացնող անվանի ծանրորդ Լյու Քսյաոջունը։ Նա, պոկելով 171 կգ և հրելով 207 կգ, երկամարտում գրանցեց 378 կգ արդյունք։ Լյուն, չնայած վնասվածքին, կարողացավ նաև 2 ռեկորդ սահմանել՝ հրում վարժությունից և երկամարտից։
Արծաթե մեդալ նվաճեց Չինաստանի մյուս ներկայացուցիչը՝ 21-ամյա Լի Դայինը՝ երկամարտի 377 կգ արդյունքով։
Բրոնզե մեդալակիր դարձավ Կոլումբիան ներկայացնող ծանրորդը՝ երկամարտի 363 կգ արդյունքով։