Թաիլանդի Պատտայա քաղաքում ընթանում է ծանրամարտի աշխարհի առաջնությունը, որին մասնակցում են նաև հայ ծանրորդները։ Մեր հավաքականից այսօր առաջինը պայքարի մեջ մտավ 59 կգ քաշային Իզաբելլա Յայլյանը։
B ենթախմբում հանդես եկած մեր մարզուհին, պոկելով 92 կգ և հրելով 110 կգ, երկամարտի 202 կգ արդյունքով, B ենթախմբում զբաղեցրեց 6-րդ տեղը։
Ավելի ուշ կայացավ A ենթախմբի մրցումը։ Վերջնական արդյունքում Յայլյանը զբաղեցրեց 14-րդ տեղը՝ վաստակելով Տոկիո-2020 օլիմպիական խաղերի վարկանշային միավորներ։