Խնդրում ենք սպասել...

Իրադարձություններ

Իսրայելում և Եթովպիայում ՀՀ դեսպանատներ կբացվեն

11:30, հինգշաբթի, 19 սեպտեմբերի, 2019 թ.
Իսրայելում և Եթովպիայում ՀՀ դեսպանատներ կբացվեն

Իսրայելում և Եթովպիայում ՀՀ դեսպանություններ կստեղծվեն: Այսօր Կառավարությունը հավանություն տվեց ԱԳՆ-ի առաջարկին:

Նախագիծը զեկուցելիս ՀՀ արտաքին գործերի նախարար զոհրաբ Մնացականյանն ասաց, որ դեսպանության ստեղծումը կնպաստի երկկողմ հարաբերությունների խորացմանը, նոր հնարավորություններ կստեղծի համագործակցության մի շարք ոլորտների զարգացման համար:

ԱԳ նախարարը նշել է, որ առայժմ հայտնի չէ, թե ինչ ժամկետներում տեղի կունենա դեսպանատան բացումը և այն կախված է երկու երկրների համատեղ աշխատանքից:

Եթովպիայի Դաշնային Ժողովրդավարական Հանրապետությունում ՀՀ դեսպանություն բացելու առաջարկը ներկայացնելիս Մնացականյանը ընդգծեց այդ երկրի դերը որպես աֆրիկյան կառույցների կենտրոնակայան և հայ-եթովպական բարեկամական հարաբերությունների առկայությունը: Ըստ նախարարի՝ Եթովպիայում դեսպանատուն բացելով, հնարավորություն կընձեռնվի խորացնել կապերն աֆրիկյան այլ երկրների հետ:

2351 | 0
Facebook