Երևանի Աջափնյակ վարչական շրջանի ղեկավարի տեղակալ Արամ Մանուկյանը հրաժարականի դիմում է ներկայացրել: Ֆեյսբուքյան իր էջում նա գրել է. «Իմ աշխատանքից ազատման դիմումը էս թեմաների հետ կապ չունի:
ՀԳ. Փնտրում եմ աշխատանք»։
Նշենք, որ ամիսներ առաջ՝ մարտի կեսերին Արամ Մանուկյանի ֆեյսբուքյան էջում տեղ գտած նմանատիպ մեկ այլ գրառում սկանդալի առիթ էր դարձել: Գրառման մեջ ասվում էր. «Երկուշաբթի գրում եմ դիմումս։ Ցանկություն չունեմ աշխատելու անթասիբ ու անինքնասեր ղեկավարի հետ»:
Այս գրառումը, սակայն, կարճ ժամանակ անց հեռացվել էր նրա էջից, և հրապարակվել էր նոր գրառում. «Ժողովուրդ ջան, հեռախոսս գողացել են։
Ես շատ լավ, շատ ջեմ հարաբերությունների մեջ եմ վարչական շրջանի ղեկավարի հետ։
Ներողություն եմ խնդրում թյուրիմացության համար։
Մեղավորները անպայման կպատժվեն»:՝
Ավելի ուշ նրա այս գրառումը ևս հեռացվել էր: