Խնդրում ենք սպասել...
Այսօր`  հինգշաբթի, 17 հոկտեմբերի, 2019 թ.

Իրադարձություններ

ԱՄՆ Հայ դատի գրասենյակը Լեռնային Ղարաբաղի վերաբերյալ գաղտնազերծված զեկույցներ է հրապարակել

16:40, երեքշաբթի, 17 սեպտեմբերի, 2019 թ.
ԱՄՆ Հայ դատի գրասենյակը Լեռնային Ղարաբաղի վերաբերյալ գաղտնազերծված զեկույցներ է հրապարակել

ԱՄՆ Հայ դատի գրասենյակը (ANCA) թվիթերյան էջում հրապարակել է Լեռնային Ղարաբաղի վերաբերյալ ԱՄՆ Կենտրոնական հետախուզական գործակալության (ԿՀՎ) գաղտնազերծված զեկույցները: 1988 թվականի օգոստոսին «Անհանգստությունը Կովկասում և ազգայնականության սպառնալիքը» վերնագրով փաստաթղթում խոսվում է Լեռնային Ղարաբաղում ազգամիջյան հակամարտության ակունքների մասին:

«1920-ականներին հայկական մշակութային և կրոնական կենտրոնը` Լեռնային Ղարաբաղը Ադրբեջանին հանձնելու որոշումը հայերի մշտական, բայց խլացված հիասթափության աղբյուրն էր»,-ասված է փաստաթղթում: Դրանում նշված է նաև, որ Ադրբեջանի երիտասարդ տարիքի բնակչության արագ աճը հանգեցրել է նրան, որ հանրապետությունն ի վիճակի չէ նրանց պատշաճ կրթությամբ, աշխատանքով ապահովել, լուծել բնակարանային խնդիրները: Արդյունքում՝ ադրբեջանցիների դժգոհությունն արտահայտվում էր հայերի վրա հարձակումների տեսքով:

| | |
4414 | 0
Facebook
COMMENT.am