Խնդրում ենք սպասել...
Այսօր`  շաբաթ, 21 սեպտեմբերի, 2019 թ.

Համացանց

«Համոզվում ես, որ երկրում գրեթե ոչինչ չի փոխվել շարքային քաղաքացու համար». Ն. Մկրտչյան

20:30, ուրբաթ, 13 սեպտեմբերի, 2019 թ.
«Համոզվում ես, որ երկրում գրեթե ոչինչ չի փոխվել շարքային քաղաքացու համար». Ն. Մկրտչյան

Մամուլի ազգային ակումբի նախագահ Նարինե Մկրտչյանը «Ֆեյսբուք»-ի իր էջում գրել է. «Տարբեր առիթներով համոզվում ես, որ երկրում գրեթե ոչինչ չի փոխվել շարքային քաղաքացու համար: Այսօր Մելիք-Ադամյան փողոցում ժամանակավորպես տեղափոխված ՀՀ կառավարության քաղաքացիների ընդունելության աշխատակցուհին քաղաքացիների հետ վարվում էր կոշտ ու կոպիտ, ագրեսիվ: Մեկը ընդունելություն էր խնդրում վարչապետից, ասաց, որ ընթացակարգով վարչապետի մոտ քաղաքացիների ընդունելություն չի նախատեսվում: Բայց ինչու՞, վարչապետը չիմանա՞, թե մարդիկ ինչի՞ց և ինչու՞ են բողոքում:
     Ես հանձնում եմ նամակս՝ ասում եմ՝ անձամբ վարչապետին, բացում-նայում-մի կողմ է դնում: Հարցնու՞մ եմ՝ չե՞ք գրանցում, նամակիս հերթական համարը չե՞ք տալիս, ասում է չէ, ընդհանուր բաժինն է գրանցում, որի հեռախոսհամարը գոնե տվեց: Այդ մուննաթ կնոջ գործառույթը անտրտունջ կարող էր մի արկղ իրականացնել, ինչպես ԱԺ-ում է. մեկ է, այնտեղ էլ են նամակներդ կորչում:
     Տեսախցիկ դրեք քաղաքացիների ընդունելության բաժնում, տեսեք, թե աշխատակիցները ինչպես են վերաբերում մարդկանց: Վարչապետը երբեմն ուղիղ եթերում թող պատասխանի քաղաքացիների բողոքներին: Եթե կառավարություն են հասել, նշանակում է ոչ մի տեղ պատասխան չեն ստացել:
     Հպարտ քաղաքացիներին այդպես մի՛ խեղճացրեք»:

| | |
3619 | 0
Facebook
COMMENT.am