Միջազգային

Կրեմլը չի հավատում, որ ԱՄՆ այդպիսի բարձրաստիճան պաշտոնյայի հրաժարականը, որպեսին ԱՄՆ ազգային անվտանգության հարցերով նախագահի խորհրդական Ջոն Բոլթոնի պաշտոնն է, կկարգավորի ՌԴ և ԱՄՆ հարաբերությունները, հայտարարել է ՌԴ նախագահի մամուլի խոսնակ Դմիտրի Պեսկովը:

Հիշեցնենք՝ ԱՄՆ նախագահ Դոնալդ Թրամփը երեկ Twitter իր միկրոբլոգում գրառում է կատարել, այն մասին, որ աշխատանքից հեռացնում է Ջոն Բոլթոնին՝ արտաքին քաղաքականության հարցում տարաձայնությունների պատճառով: Սակայն Բոլթոնը հայտարարել էր, որ նա անձամբ է հրաժարական տվել:
     Պեսկովը հիշեցրել է, որ Պուտինը բազմիցս խոսել է, որ Ռուսաստանը վճռական է տրամադրված ելք գտնելու այս ողբալի վիճակից, որում դեռևս գտնվում են ՌԴ և ԱՄՆ երկկողմ հարաբերությունները:
     «Բայց մենք միայնակ չենք կարողանա գտնել այս լուծումը: Դա հնարավոր է անել միայն երկուսի միջոցով, և հենց այդ փոխադարձության վրա է, որ մենք հույս ունենք, որ վաղ թե ուշ կդրսևորվի այդպիսի քաղաքական կամք»,-հայտնել է Պեսկովը:
     Պեսկովը հավելել է, որ Բոլթոնի հրաժարականը բացառապես ամերիկացիների ներքին գործն է:«Եվ մենք չենք պատրաստվում միջամտել այս հարցերին, ի դեպ, մենք երբեք չենք միջամտել և չենք պատրաստվում հիմա ևս միջամտել»,-հավելել է նա: