Լրագրող Ոսկան Սարգսյանը սոցկայքի իր էջում գրել է. «Հայաստանում հեղափոխությունից մեկուկես տարի անց կրթության ոլորտում հեղափոխություն, նույնիսկ՝ բարեփոխություն չի արվել: Հանրակրթությունը շարունակում է մնալ 12-ամյա, ինչն ավելորդություն է, պետական բյուջեի համար անտեղի մեծ ծախս, դպրոցներում և դրանից դուրս շարունակվում է կրկնուսուցությունը, ՀՀԿ-ի ժամանակ դպրոցների տնօրեններ դարձածները շարունակում են իրենց թագավոր զգալ և այլն։ Հանրակրթության մեջ բարեփոխումները լոկ դասագրքերը կիսելը և նոր ուսումնական տարում ուսուցիչների ռոճիկը 10 տոկոսով բարձրացնելն եղավ; Քոլեջների մասին չգրեմ, որովհետև դրանցից շատերում կեսօրից հետո սովորող չի լինում, սովորողների հաճախումների մասին կեղծ տվյալներ են գրում։ Հայաստանի բուհերը միջազգային վարկանիշ չունեն․ ով ասես, որտեղ ասես համալսարան է բացել և ուսման վարձ մուծողին դիպլոմ է հանձնում»։