«Պետական պարտքի դինամիկան մեզ թույլ է տալիս եզրակացնել, որ ռիսկերը կառավարելի են, որովհետև մենք չունենք չկանխատեսված կամ անսպասելի բացասական փոփոխություն»,- այսօր լրագրողների հետ զրույցում հայտարարել է Ֆինանսների նախարար Ատոմ Ջանջուղազյանը:
«Անվանական արտահայտությամբ պարտքը կաճի, բայց դա չի նշանակում, որ պարտք/ՀՆԱ հարաբերակցության աճ ենք կանխատեսում»,- նշել է նախարարը:
Նրա խոսքով՝ կառավարությունը մտադիր է աստիճանաբար նվազեցնել պարտք/ՀՆԱ հարաբերակցությունը և տեղավորել 50 տոկոսից ցածր մակարդակում: