Հայաստանի Հանրապետության նախագահ Արմեն Սարգսյանը Մանչեսթրում հանդիպել է Անգլիայի Պրեմիեր լիգայի 2018/19 մրցաշրջանի չեմպիոն «Մանչեսթր Սիթի» ֆուտբոլային ակումբի նախագահ, աշխարհի խոշորագույն ներդրումային ընկերություններից մեկի՝ ՄՈՒԲԱԴԱԼԱ-ի ղեկավար Քալդուն Խալիֆա Ալ Մուբարաքի հետ։
Քալդուն Ալ Մուբարաքը նախագահ Արմեն Սարգսյանին ներկայացրել է The City Football Group հոլդինգի գործունեությունը, որին էլ պատկանում է անգլիական «Մանչեսթր Սիթի» ակումբը։ Այս համատեքստում քննարկվել են նաև Հայաստանում ֆուտբոլի զարգացմանն ուղղված ծրագրերի իրականացման հնարավորությունները։
Հանրապետության նախագահը նաև շրջայց է կատարել «Մանչեսթր Սիթի»-ի ակադեմիայում, ծանոթացել ակումբի տարբեր տարիքային խմբերի մարզական ծրագրերին։ Քալդուն Ալ Մուբարաքի հրավերով նախագահ Սարգսյանը մարզադաշտում դիտել է անգլիական պրեմիեր լիգայի «Մանչեսթր Սիթի»-«Թոթենհեմ» հանդիպումը։