Խնդրում ենք սպասել...

Համացանց

«Հեղափոխությունը ոչ միայն իշխանափոխություն, այլ նաև հատուցում է ենթադրում». Գևորգ Գալստյան

16:30, երկուշաբթի, 19 օգոստոսի, 2019 թ.
«Հեղափոխությունը ոչ միայն իշխանափոխություն, այլ նաև հատուցում է ենթադրում». Գևորգ Գալստյան

ՀՀ պետական կառավարման ակադեմիայում Ուսանողական գիտական ընկերության նախագահ, մասնագիտությամբ քաղաքագետ Գևորգ Գալստյանը ֆեյսբուքյան իր էջում գրել է. «Հեղափոխության ֆենոմենը. բարուց և չարից անդին

Փոխվում են հեղափոխության իրականացման մեթոդները, փոխվում են հեղափոխականները, փոխվում է ամեն բան, սակայն հեղափոխություններից և հեղափոխականներից ժողովրդի ակնկալիքը միշտ նույնն է` հավասարության և արդարության հաստատում:
     Հեղափոխությունը կեղեքված ժողովրդի` դժնդակ կոհորտայից վրեժխնդիր լինելու արդարացի իրավունքից է ծնվում: Եվ այո, հեղափոխությունը ոչ միայն իշխանափոխություն, այլ նաև հատուցում է ենթադրում: Չի կարելի խեղդել այն ձգտումներն ու պահանջները, որոնց իրագործման երազանքը ժողովրդին մղել է հեղափոխության: Հետհեղափոխական հասարակությունը ոչ թե արդարացումներ, այլ արդարություն է ակնկալում: Հարկ եղած դեպքում պետք է պատռել ու աղբամանը նետել մինչ այդ ստորագրված յուրաքանչյուր փաստաթուղթ, որը սպառնում է արդարության հաստատմանը: Իսկ ով է ասել, որ չի կարելի նույն կերպ վարվել ռեպրեսիվ իշխանությունների կողմից մինչ հեղափոխությունը ձեռք բերված միջազգային համաձայնությունների հետ նույնպես: Ի վերջո. Հեղափոխությունը ամենաֆանտաստիկ և ամենառոմանտիկական քաղաքական գործընթացն է, որի ֆանտաստիկությունը սիմվոլների մեջ պարպելը հանցանք է, ուղղակի հանցանք: Հեղափոխության բացառիկությունը` անհնարինը հնարավոր, իսկ հնարավորը իրական դարձնելու մեջ է:

Հ.Գ.
     ՀԵՂԱՓՈԽԱԿԱՆՆԵՐԸ ԵՐԱԶԱՆՔԻ ԱՌԱՔԻՉՆԵՐ ԵՆ»:

3299 | 0
Facebook