Ըմբշամարտի երիտասարդական աշխարհի առաջնության եզրափակչում 67 կգ քաշային Հայաստանի ներկայացուցիչ Շանթ Խաչատրյանը դարձել է արծաթե մեդալակիր։ Եզրափակչում հայ ըմբիշը 3։6 հաշվով զիջել է Վրաստանի ներակայացուցիչ, երիտասարդների Եվրոպայի չեմպիոն Գեորգի Շոթաձեին։
Մինչ եզրափակիչը Շանթը անցկացրել էր 4 գոտեմարտ, հաղթելով Էստոնիայի, Թունիսի, Մոլդովայի և Թուրքիայի ներկայացուցիչներին։
Հիշեցնենք, որ Տալինում ավարտվող երիտասարդական աշխարհի առաջնությունում Հայաստանի հավաքականը նվաճեց 2 արծաթե մեդալ։